საკოორდინაციო საბჭოს გადაწყვეტილებით ცვლილებები შედის საქართველოს მოქალაქეთა შემოსვლის წესში.
22 მარტს მიღებული გადაწყვეტილებით, უქმდება თვითიზოლაციის ვალდებულება საქართველოს იმ მოქალაქეებისთვის, რომლებიც ქვეყანაში PCR-ტესტის გარეშე ბრუნდებიან.
შესაბამისად, საქართველოს მოქალაქე, რომელიც მოემგზავრება ნებისმიერი მარშრუტით (საჰაერო, სახმელეთო და საზღვაო გზით), საქართველოში შემოდის შემდეგი პირობებით:
ვაქცინირებული მოქალაქე: უნდა წარადგინოს ნებისმიერი ვაქცინის სრული კურსის (ორი დოზა, ხოლო Johnson&Johnson-ის შემთხვევაში ერთი დოზა) დამადასტურებელი დოკუმენტი.
არავაქცინირებული საქართველოს მოქალაქეს შეუძლია ქვეყანაში შემოვიდეს PCR-ტესტის გარეშე და არ გაივლის თვითიზოლაციას.
წყარო: საქართველოს მთავრობა
